إذا المراجل لبسة شماغ وعقال قل للعذارى يلبسنّ العمايم بيت بيت كنت دايم اردده وكان نفسي اعرف القصيده كامله ويوم طاحت بيدي قلت لازم تشاركوني روعتها وخاصة اخر بيت إذا المراجل لبسة شماغ وعقال قل للعذارى يلبسنّ العمايم
ما عاد يفرق زول حرمه ورجال دام الفعايل تشبه البعض دايم المرجله ما هيب كلمه وتنقال وتروح ما راحت هبوب النسايم وإلا خشونة صوت أو رفع الأثقال أو رزة صدور وفعل الزلايم ولا هي بعد مفتاح موتر وجوال وإلا ردى لسانن حديثه شتايم المرجله شيمه عن القيل والقال رفيع نفس (ن) حر بالجو حايم المرجله عقلٍ وزن وزنه جبال ودون العقل وش فرقنا والبهايم يا مسندي لو مايل الوقت بي مال يا ولد أبويه يا عظيم العزايم يا معرب الجدين من العم والخال يا نخوة المفزوع وقت الهزايم المرجله يا خوي هي طولة البال هي العزم هي الصبر فالظلايم فيها الكرم عزه دله وفنجال فيها الكرامه عن ردى الطبع شايم والدين لامنه خذا القلب منزال مشى طريق الحق وابليس نايم ومن لا عرف ربه في طيب الحال لابد وقت الضيق بالهم هايم حتى صلاتك مع جماعات ورجال في خيرها يا خوي نعم الغنايم ولامن نصف ليلك قم صفي البال يا عظم أجرك بين ساجد وقايم ولا من رفع ربي له كل الأعمال حسن الذكر لا قالو فلان صايم وخلك شريف القصد يا طيب الفال سوء المقاصد فالبيوت الهدايم واحذر تبيع النفس في دب الأنذال وتتبع خوي إبليس راع النمايم النفس خيل لك إذا كنت خيّال ومن لا قوى نفسه قوته الهزايم ولا صرت ما تدري لو يش أنت والله خسارة فيك ذبح التمايم رجال
دموع الورد ...
عدد المساهمات : 702مجموع النقاط : 6318بـلـدي : هوايتي : الحـالة : إحترام قوانين المنتدى : الأوســمة :
بسراحة الكلمات رائعةةةةةةة جدا واول مرة بسمع ببعض الكلمات او اللهجة غريبة شوية بس حاسة انها رائعة جزاك الله كل خير على الطرح الرائع والمجهود الاروع تسلميييييييييييييييييييي ودائما احنا في انتضار جديدك
الغد المشرق مشرف
عدد المساهمات : 241مجموع النقاط : 5894بـلـدي : هوايتي : المهنة : الحـالة : إحترام قوانين المنتدى : الأوســمة :
أختنا أحزان سلمت يداك علي هذه الكلمات الرائعه وصف شامل لمعاني الرجوله يحتاج الكثير من ابناء هذا الجيل حتي لو لقرائتها ندعو الله أن يخرج من بيننا رجال كأمثال عمر بن الخطاب وصلاح الدين الايوبي رجال عرفو معني الرجوله .......... كلمات جميله أختنا الغاليه جزاك الله الجنه